Festival Internacional de Títeres de Bilbao

Bilboko Nazioarteko Txotxongilo Jaialdia 1982an taularatu zen lehenagoz. Gertaera isolatu bat bezala sortu zen.
Baina ondoko ekitaldietarako metatu zen dokumentuen biltze lanarekin Bilboko Txotxongilo Dokumentategi txiki bat osatu zen.

Orain arte hogeita lau jardunaldi egin dira eta epe honetan zenbaki hotzek erakusten dutenez, balantzea positiboa izan da oso, bai kulturari dagokionez, bai beste arlo guztietan ere.. Jaialdiak ez du balio izan soilik Bilboren izena nazioarte mailan ezagutarazteko -hori ez da gutxi, baina!-, baizik eta distantzian eta kulturan hurbil nahiz urrun egon daitezkeen beste herrialde batzuetako artea, tradizioa eta ideología gure hiri honetara ekartzeko.

450.000tik gora ikuslek munduko txoko gustietatik etorritako ia bostehun talderen lanak ikusi ahal izan dituzte. Haien obretan barna hainbat eta hainbat teknika eta hizkuntzaz biziarazi dituzte argumentu propio edo egokitu ugari; testu kalsikoak zein garaikideak; abangoardiko dramatizazioak edo antzinako ohiturei peto-peto jarraiki eginak;Testuko antzerkia edo isiltasun adierazkorra. Den-dena sartu ahal izan da bertan, kale antzerkia barne. Edo beste era bateko artelanak, zinemagintza, kasu (bai izari handiko emanaldiak eta bai bideokoak).

Txotxongilo antzerki taldearik ospetsuenak igaro dira haren eszenatokietatik, eta haren gerizpean erakusketak, hitzaldiak eta mintegiak, kongresuak, antzerki forumak, tailerrak eta ikastaroak sortu dira... Kultur mundu balioanitza, panpinen antzerki erakargarriaren inguruan bilduta.

Pantzerki edota beraien egileak dituzue informazio eta irudiak ororen jabeak.
Haien kopia edo erreprodukzioak edozein hedabide publikotan debekatuta dago, aldez aurretik jabeak baimena eman gabe.