Bilboko Txotxongilo Dokumentategia - Pantzerki bere iharduerarekin txotxongiloen antzerkigintza eta bertan sartzen diren arlo guztiak sustatu eta bultzatu nahi dituen diziplinarteko ekipamendua dugu. Dituen prestazioak eta dokumentu fondoa direla eta, Espainako estatu osoan dagoen mota honetako lehen zentroa de eta bakarra gainera, mundu mailan ere garrantzitsuenetariko bat bilakatu delarik.

Txotxongiloaren unibertsoa osatzen duten alde guztiak elkarri lotu nahi lituzke, denen arteko Komunikazioa erraztuz. Aldi berean, Panpina protagonistatzat duen Kultur ondarea berreskuratu, gorde eta jende artean zabaldu gura izango luke.

Eskaintzen duen ekintza saila jasotzaile multzoa bezain ugari eta zabala dugu: ikusleak oro har, talde profesionalak eta zaleak, erakunde ofizialak edo pribatuak, estatukoak zein nazioartekoak, artisauak, ikertzaileak, ikastetxeak, e.a.
· Biblioteka- hemeroteka: CDTB- Pantzerkik 40 irakurleku eskaintzen dizkie bisitariei, bertan ondoko gaiei buruzko 3000 ale kontsultatu ahal dituztelarik: txotxongilogintza eta erabilpenaren teknikak, teatro lan bereziak edo txotxongiloari egokituak eta beste hainbat gairen inguruko argitarapenak (erakusketak, katalogoak, irakasgaiak, e.a.). Hemerotekan antzerkigintzari buruzko 187 aldizkariz osatutako bilduma ederra dago, batzuk oraindik ihardunean, merkatutik desagertuak besteak.

· Argazki artxiboa eta kartelak: Mundo osotik ekarritako 6000 argazkik, 2000 diapositibak eta 1800 kartelek osatzen dute CDTB- Pantzerkik sortzaile eta ikertzaileei diezaiekeen multzo grafikoa. Era berean fondo honek ( bertan panel didaktikoak ere badaude) hainbat erakunderekin lankidetzan dihardu erakusketak antolatzeko.

· Bideoteka: Ikusentzutezkoen aretoan 16 pertsona sartzen dira batera eta bertan 1500 bideo eta mila bat kaset erabil ditzakete. Taularatzeak, Bilboko Txotxongilo Dokumentategiaren jarduerak, film komertzial laburrak, Eusko Jaurlaritzaren dokumentu fondoak, antzerki lanen musika, hitzaldiak, mahai inguruak, Irrati saioak edo solasaldiak bilduta daude bideo eta kaset hauetan.

· Erakusketak: CDTB- Pantzerkiaren egoitzak etengabe dauka erakusgarri teknika, jatorri eta estilo ezberdinetako 300etik gora txotxongiloz osatutako bere panpina bilduma. Bere aretoetan aldi baterako erakustaldiak ere burutzen ditu.

· Mintegiak, solasaldiak, hitzaldiak, mahai inguruak eta jende gitxirentzako ikuskizunak: Zentroak 100 ikusle hartzeko egokituta dagoen hitzaldi-areta bat dauka eta bertan aldizka txotxongiloekin zerikusia duten hainbat kultur ekitaldi burutzen dira.

· Lehiaketak: CDTB- Pantzerki urtero Haur Dramaturgiaren Lehiaketa Iberamerikarra antolatzen du. Saritutako lana, dagokion hizkuntzan argitaratua izateaz gain, Europa eta Latinoamerikako zenbait herrialdetako profesionalek taularatzeko aukera ere eskainiko da..

· Argitarapenak: Geure argitalpenen eskaintzaz aparte (berrogeitik gora dira berezituak) erabiltzaileak CDTB Pantzerki erabil dezake bitartekari gisa bestela eskuragaitzak –merkatutik desagertu direlako edo- izan lekizkiokeen aleak eta modu errazago batean eskuratzeko asmoz.


Pantzerki edota beraien egileak dituzue informazio eta irudiak ororen jabeak.
Haien kopia edo erreprodukzioak edozein hedabide publikotan debekatuta dago, aldez aurretik jabeak baimena eman gabe.